ရန်ကုန်တိုင်းဒေသကြီး၊ ခရမ်းမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား တစ်ဦး သေဆုံးပြီး ၁၀ ဦး ဒဏ်ရာရရှိ

ရန်ကုန်တိုင်းဒေသကြီး၊ ခရမ်းမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား တစ်ဦး သေဆုံးပြီး ၁၀ ဦး ဒဏ်ရာရရှိ

     ၂၀၂၅ ခုနှစ်၊ နိုဝင်ဘာ ၁ ရက်က ရန်ကုန်တိုင်းဒေသကြီး၊ ခရမ်းမြို့နယ်၌ ယာဉ်တိမ်းမှောက်မှု ဖြစ်ပွား၍ အမျိုးသား ၁ ဦး သေဆုံးပြီး ၁၀ ဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ နိုဝင်ဘာ ၁ ရက် ည ၇ နာရီ ၃၀ မိနစ်တွင် ခရမ်းမြို့နယ်၊ သန်လျင်-ပဲခူး ကားလမ်း၊ ဉာဏ်ကျွန်းကျေးရွာ၊ ဇွဲပလိုင်တံတားအနီး၌ ယာဉ်တိမ်းမှောက်မှုဖြစ်ပွားကြောင်း သတင်းအရ အမှတ်(၅၅)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါလမ်းအတိုင်း တောင်မှမြောက်သို့ ခရမ်းမြို့နယ်၊ ဉာဏ်ကျွန်းကျေးရွာနေ ဟန်မင်းအောင်(၃၆)နှစ် မောင်းနှင်ပြီး တစ်ရွာတည်းနေ ဇော်ဦး(၃၁)နှစ်ပါ အမျိုးသား ၉ ဦးနှင့် အမျိုးသမီး ၁ ဦးတို့ လိုက်ပါလာသော လယ်ထွန်စက်နောက်တွဲယာဉ်မှာ အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်းဘေးသို့ ထိုးကျတိမ်းမှောက်ခဲ့သဖြင့် ယာဉ်ပေါ်တွင်လိုက်ပါလာသည့် ဇော်ဦးတွင် ဒဏ်ရာများရရှိကာ သေဆုံးခဲ့ပြီး ဟန်မင်းအောင် ပါ အမျိုးသား ၉ ဦးနှင့် အမျိုးသမီး ၁ ဦးတို့တွင် ဒဏ်ရာများ အသီးသီးရရှိခဲ့သောကြောင့် ဟန်မင်းအောင်အား ခရမ်းမြို့မရဲစခန်း ယာဉ်(ပ)၂/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။