ရန်ကုန်တိုင်းဒေသကြီး၊ ဗဟန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး ဒဏ်ရာရရှိ

ရန်ကုန်တိုင်းဒေသကြီး၊ ဗဟန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး ဒဏ်ရာရရှိ

     ၂၀၂၆ ခုနှစ်၊ မေ ၁၄ ရက်က ရန်ကုန်တိုင်းဒေသကြီး၊ ဗဟန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မေ ၁၄ ရက် နံနက် ၅ နာရီ ၃၀ မိနစ်တွင် ရန်ကုန်တိုင်းဒေသကြီး၊ ဗဟန်းမြို့နယ်၊ ဆရာစံမြောက်အရှေ့ ရပ်ကွက်ရှိ နှစ်ကျိပ်ရှစ်ဆူဓမ္မာရုံရှေ့၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၇) ယာဉ်ထိန်းရဲဒုတပ်ဖွဲ့ခွဲ(ရန်ကုန်)မှ တပ်ဖွဲ့ဝင်များက သွားရောက်စစ်ဆေးခဲ့ရာ ဦးချစ်မောင် လမ်းအတိုင်း တောင်မှမြောက်သို့ တာမွေမြို့နယ်၊ တာမွေကြီး(က + ဂ)ရပ်ကွက်နေ ကိုသက်ဇော်ထွန်း (၂၅)နှစ် မောင်းနှင်လာသော YGN-38 2F/XXXX TOYOTA ALPHARD ယာဉ်သည် အခင်းဖြစ်နေရာ အရောက်၌ အရှိန်မထိန်းနိုင်ဘဲ လမ်းဖြတ်ကူးသူ ရန်ကင်းမြို့နယ်၊ အမှတ်(၁)ရပ်ကွက်နေ ဦးသန်းအောင် (ခ)ဦးတိုး (၇၆)နှစ်အား ဝင်ရောက်တိုက်မိခဲ့သဖြင့် ဦးသန်းအောင်(ခ)ဦးတိုးတွင် ဒဏ်ရာများရရှိ ခဲ့သောကြောင့် သက်ဇော်ထွန်း အား ဗဟန်းမြို့မရဲစခန်း ယာဉ်(ပ)၄/၂၀၂၆၊ ရာဇသတ်ကြီးပုဒ်မ ၃၃၈/၂၇၉ ဖြင့် အမှုဖွင့် အရေးယူထားကြောင်း သတင်းရရှိပါသည်။