ရန်ကုန် - မန္တလေး - ရန်ကုန်ခရီးစဉ်တွင် အမှတ် (၃) အဆန်/ အမှတ် (၄) အစုန်လေအေးပေးစက်ပါ ခေတ်မီ DEMU လူစီးအမြန်ရထားနှင့် သာစည် - နေပြည်တော် - သာစည်၊ နေပြည်တော် - တောင်ငူ -နေပြည်တော်နှင့် တောင်ငူ - ပဲခူး - တောင်ငူခရီးစဉ်အဖြစ် RBE ခရီးတိုရထားများ စတင်ပြေးဆွဲမည်

ရန်ကုန် - မန္တလေး - ရန်ကုန်ခရီးစဉ်တွင် အမှတ် (၃) အဆန်/ အမှတ် (၄) အစုန်လေအေးပေးစက်ပါ ခေတ်မီ DEMU လူစီးအမြန်ရထားနှင့် သာစည် - နေပြည်တော် - သာစည်၊ နေပြည်တော် - တောင်ငူ -နေပြည်တော်နှင့် တောင်ငူ - ပဲခူး - တောင်ငူခရီးစဉ်အဖြစ် RBE ခရီးတိုရထားများ စတင်ပြေးဆွဲမည်

နေပြည်တော် မေ ၁၂

နိုင်ငံတော်သမ္မတ၏ လမ်းညွှန်မှာကြားချက်အရ ပို့ဆောင်ရေးဝန်ကြီးဌာန၊ မြန်မာ့မီးရထားသည် ခရီးသွားပြည်သူများ အဆင်ပြေစွာသွားလာနိုင်ရေးအတွက် ရန်ကုန် - မန္တလေး - ရန်ကုန် ရထားခရီးစဉ်အဖြစ် အမှတ် (၅) အဆန်/ အမှတ် (၆) အစုန် လေအေးပေးစက်ပါခေတ်မီ DEMU လူစီးအမြန်ရထားအား ၂၀၂၆ ခုနှစ်၊ မေ ၁ ရက်မှ စတင်ပြေးဆွဲပေးခဲ့ပြီး ခရီးသည်များ ကြိုက်နှစ်သက်၍ စီးနင်းမှုများသောကြောင့် အမှတ် (၃) အဆန်/ အမှတ် (၄) အစုန် လေအေးပေးစက်ပါ ခေတ်မီ DEMU လူစီးအမြန်ရထားအား မေ ၁၅ ရက်မှစတင်၍ အောက်ပါအချိန်ဇယားအတိုင်း တိုးချဲ့ပြေးဆွဲပေးသွားမည်ဖြစ်သည်။    

ထို့အတူ ရန်ကုန်နှင့် မန္တလေး ခရီးစဘူတာတို့မှ နံနက် ၆ နာရီအချိန်ထွက်ခွာပြေးဆွဲနေသည့် အမှတ် (၅) အဆန်/အမှတ် (၆) အစုန် လေအေးပေးစက်ပါခေတ်မီ DEMU လူစီးအမြန်ရထားအား ခရီးစဘူတာများမှ နံနက် ၇ နာရီတွင် အောက်ပါအချိန်ဇယားအတိုင်း ပြောင်းလဲပြေးဆွဲပေးသွားမည်ဖြစ်သည်။

ထို့အပြင် ရန်ကုန် - မန္တလေးလမ်းပိုင်းအတွင်း သာစည် - နေပြည်တော် - သာစည် ခရီးစဉ်အဖြစ် အမှတ် (သ-၄၀၁) အဆန်/ (သ-၄၀၂) အစုန် RBE ခရီးတိုရထား၊ နေပြည်တော် - တောင်ငူ -နေပြည်တော်ခရီးစဉ်အဖြစ် အမှတ် (သ-၅၀၁) အဆန်/ (သ-၅၀၂) အစုန် RBE ခရီးတိုရထားနှင့် တောင်ငူ - ပဲခူး - တောင်ငူခရီးစဉ်အဖြစ် အမှတ် (သ-၆၀၁) အဆန်/ (သ-၆၀၂) အစုန် RBE ခရီးတိုရထားများအား မေ ၁၅ ရက်မှစတင်၍ အောက်ပါအချိန်ဇယားအတိုင်း ပြေးဆွဲပေးသွားမည်ဖြစ်သည်။

အထက်ပါ တိုးချဲ့ပြေးဆွဲမည့် RBE ခရီးတိုရထားများ၏ နေပြည်တော် - သာစည်၊ သာစည် -နေပြည်တော်နှင့် နေပြည်တော် - တောင်ငူ၊ တောင်ငူ - နေပြည်တော်တို့အတွက် လက်မှတ်ခနှုန်းထားများမှာ ခရီးစဉ်အစအဆုံး ငွေကျပ် (၅၀၀၀)၊ ခရီးစဉ်တစ်ဝက်ငွေကျပ် (၂၅၀၀) ဖြစ်ကြောင်းနှင့် တောင်ငူ - ပဲခူး၊ ပဲခူး - တောင်ငူအတွက် လက်မှတ်ခနှုန်းထားမှာ ခရီးစဉ်အစအဆုံး ငွေကျပ် (၈၀၀၀) ခရီးစဉ်တစ်ဝက် ငွေကျပ် (၄၀၀၀) ဖြစ်ပြီး လမ်းခရီး၌ ဘူတာစဉ်ရပ်တန့်ပေးမည်ဖြစ်သည်။

တိုးချဲ့ပြေးဆွဲမည့်ရထားများ၏အချိန်စာရင်းအရ ရန်ကုန် - မန္တလေးရထားလမ်းပိုင်းအတွင်းရှိ အမှတ် (၁၁) အဆန်/ အမှတ် (၁၂) အစုန်ရထား၊ အမှတ် (၁) အဆန်/ အမှတ် (၂) အစုန်ရထားနှင့် ရန်ကုန် - မော်လမြိုင်လမ်းပိုင်းအတွင်းရှိ အမှတ် (၈၁) အဆန်/ (၈၂) အစုန်ရထားများ၏ အချိန်စာရင်းအား မေ ၁၅ ရက်မှစ၍ အောက်ပါအချိန်ဇယားအတိုင်း ပြောင်းလဲပြေးဆွဲပေးသွားမည်ဖြစ်ပြီး လက်ရှိ AAR (ရိုးရိုး) တွဲဆိုင်းဖြင့် ပြေးဆွဲနေသော အမှတ် (၁၁) အဆန်/ အမှတ် (၁၂) အစုန်ရထားအား လေအေးပေးစက်ပါ အထက်တန်းလူစီးတွဲ (၂) တွဲပါရှိသော လေအိတ်ရထားတွဲဆိုင်းဖြင့် မေ ၁၅ ရက်မှစတင်၍ ပြောင်းလဲပြေးဆွဲသွားမည်ဖြစ်သည်။

ရန်ကုန် - မန္တလေး - ရန်ကုန်ခရီးစဉ်တွင် ပြေးဆွဲမည့် လေအေးပေးစက်ပါ DEMU လူစီးအမြန်ရထားများဖြစ်သော အမှတ် (၃) အဆန်/ အမှတ် (၄) အစုန် နှင့် အမှတ် (၅) အဆန်/အမှတ်(၆) အစုန်ရထားများ၏ ထိုင်ခုံလက်မှတ်များအား Online Railways Ticketing and payment (ORTP) စနစ်ဖြင့် ခရီးစဉ်အစအဆုံးအတွက် (၇) ရက်နှင့် လမ်းဘူတာများအတွက် (၃) ရက် ကြိုတင်ဝယ်ယူနိုင်မည်ဖြစ်ကြောင်း သတင်းရရှိသည်။

သတင်းစဉ်