ရှမ်းပြည်နယ်၊ မိုင်းပျဉ်းမြို့နယ်၌ ငွေကျပ် သိန်း ၄၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ရှမ်းပြည်နယ်၊ မိုင်းပျဉ်းမြို့နယ်၌ ငွေကျပ် သိန်း ၄၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

     ၂၀၂၅ ခုနှစ်၊ ဒီဇင်ဘာ ၁ ရက် မွန်းလွဲ ၂ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ရှမ်းပြည်နယ်၊ မိုင်းပျဉ်းမြို့နယ်၊ တုံတာမြို့၊ ရပ်ကွက်(၄)အနီး၌ နမ့်ရှိုကျေးရွာအုပ်စု၊ နမ့်မွဲကျေးရွာနေ အိုက်ငို့(၃၃)နှစ် မောင်းနှင်ပြီး နောင်ကွဲကျေးရွာအုပ်စု၊ တိလွယ်ကျေးရွာနေ ဂျက်လီ(ခ)ယာဖို လိုက်ပါလာသော ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ပေါ်တွင် သယ်ဆောင်လာသည့် ဆာလာအိတ်အတွင်းမှ စိတ်ကြွ ရူးသွပ်ဆေးပြား ၁၀၀,၀၀၀ ပြား (တစ်ပြားလျှင် ငွေကျပ် ၄၀၀ နှုန်းဖြင့် ဒေသကာလတန်ဖိုး ငွေကျပ် သိန်း ၄၀၀)အား ဖမ်းဆီးရမိသဖြင့် အိုက်ငို့နှင့် ဂျက်လီ(ခ)ယာဖိုတို့ နှစ်ဦးအား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိ ပါသည်။