ရှမ်းပြည်နယ်(တောင်ပိုင်း)၊ ညောင်ရွှေမြို့နယ်၌ ၂၂ ဘီးယာဉ် တိမ်းမှောက်မှုဖြစ်ပွား၍ အမျိုးသား တစ်ဦး သေဆုံး

ရှမ်းပြည်နယ်(တောင်ပိုင်း)၊ ညောင်ရွှေမြို့နယ်၌ ၂၂ ဘီးယာဉ် တိမ်းမှောက်မှုဖြစ်ပွား၍ အမျိုးသား တစ်ဦး သေဆုံး

     ရှမ်းပြည်နယ်(တောင်ပိုင်း)၊ ညောင်ရွှေမြို့နယ်၌ ၂၀၂၅ ခုနှစ်၊ မေ ၂၉ ရက်က ၂၂ ဘီးယာဉ် တိမ်းမှောက်မှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မေ ၂၉ ရက် ည ၈ နာရီ ၃၀ မိနစ်က ညောင်ရွှေမြို့နယ်၊ သာယာကုန်းကျေးရွာ မြို့ရှောင်လမ်း(တောင်ဆင်းလမ်း) မိုင်တိုင်အမှတ် ၅ မိုင် ၁ ဖာလုံနှင့် ၂ ဖာလုံကြား၌ ယာဉ်တိမ်းမှောက်မှု ဖြစ်ပွားကြောင်းသတင်းအရ ညောင်ရွှေမြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက် စစ်ဆေးခဲ့ရာ ကျောက်ဆည်မြို့၊ မြင်စိုင်းရပ်ကွက်နေ ကျော်ဇေယျ(၄၀)နှစ် မောင်းနှင်ပြီး ဆွေငြိမ်းထိုက်(၃၆)နှစ် လိုက်ပါလာသည့် MDY-1 5J/XXXX Hino ၂၂ ဘီးယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ တောင်စောင်းအား ဝင်ရောက်တိုက်မိကာ တိမ်းမှောက်ခဲ့သဖြင့် ကျော်ဇေယျတွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သော ကြောင့် ကျော်ဇေယျအား ညောင်ရွှေမြို့မရဲစခန်း ယာဉ်(ပ)၉/၂၀၂၅၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။