ဧရာဝတီတိုင်းဒေသကြီးဝန်ကြီးချုပ်ဦးအေးကျော် အာရှလက်ရွေးစင်ဟောင်း ဘောလုံးအားကစားသမားများနှင့် တွေ့ဆုံပွဲအခမ်းအနားသို့ တက်ရောက်

ဧရာဝတီတိုင်းဒေသကြီးဝန်ကြီးချုပ်ဦးအေးကျော် အာရှလက်ရွေးစင်ဟောင်း ဘောလုံးအားကစားသမားများနှင့် တွေ့ဆုံပွဲအခမ်းအနားသို့ တက်ရောက်

ပုသိမ် မေ ၂၅

ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁) တွင်ပြုလုပ်သည့် အာရှလက်ရွေးစင်ဟောင်း ဘောလုံးအားကစားသမားများနှင့် တွေ့ဆုံပွဲ အခမ်းအနားသို့ တက်ရောက်ခဲ့ပြီး“ ဘောလုံးအားကစားတိုးတက်ရေးအတွက် အာရှလက်ရွေး စင်ဟောင်း ဘောလုံးအားကစားသမားများ၏ အကြံဉာဏ်ကို ရယူခြင်းဖြစ်ပါကြောင်း၊ အာရှလက်ရွေးစင်ဟောင်း ဘောလုံးအားကစားသများ၏ အောင်မြင်မှုများကို လူငယ်များအနေဖြင့် ယနေ့အချိန်ထိဂုဏ်ယူအားကျနေရပါကြောင်း၊ နိုင်ငံတစ်ခု၏ အားကစားကဏ္ဍဖွံ့ဖြိုး တိုးတက်မှုသည် ဘောလုံးအားကစားနည်း ပေါ်တွင်လည်းများစွာမူတည်နေပါကြောင်း၊ တိုင်းဒေသကြီးနှင့် ပြည်နယ် အသက်(၁၈)နှစ်အောက် အမျိုးသားဘောလုံးပြိုင်ပွဲကိုကျင်းပလျက် ရှိသကဲ့သို့ လိဂ်ပြိုင်ပွဲများကိုလည်း ပြန်လည်ကျင်းပတော့မည်ဖြစ်ပါကြောင်း၊ အားကစား သိပ္ပံကိုလည်း အကောင်အထည်ဖော်ဆောင်ရွက်လျက်ရှိပြီး ဧရာဝတီတိုင်းဒေသကြီးမှ အားကစားသမားများ မွေးထုတ်ပေးနိုင်တော့မည်ဖြစ်ပါကြာင်းနှင့် တိုင်းဒေသကြီး၏ ဘောလုံးအားကစားနည်း တိုးတက်စေရေးအတွက်လည်း အကြံပြုဆွေးနွေးပေးစေ လိုကြောင်း” ပြောကြားသည်။

ထို့နောက် အာရှလက်ရွေးစင်ဟောင်း ဘောလုံးအားကစား သမားများကြီးများဖြစ်ကြသည့် ဦးတင်အောင်(ဂိုး)နှင့် ဦးအေးမောင်ကြီးတို့က ဧရာဝတီတိုင်းဒေသကြီး၏ ဘောလုံးအားကစား ကဏ္ဍဖွံ့ဖြိုးတိုးတက်ရေးအတွက် ဆွေးနွေးမှုများနှင့် အစည်းအဝေးတက်ရောက်လာသူများ၏ အထွေထွေဆွေးနွေး တင်ပြမှုများအပေါ် တိုင်းဒေသကြီးဝန်ကြီးချုပ်က ဖြည့်စွက်ဆွေးနွေးခဲ့ပြီး အာရှလက်ရွေးစင်ဟောင်း ဘောလုံးအားကစားသမားကြီးနှစ်ဦးအား ဂုဏ်ပြုချီးမြှင့်ငွေများပေးအပ်ခဲ့သည်။