ASEAN U19 BOYS’ BANK SUMUT CHAMPIONSHIP 2026 ပြိုင်ပွဲ၌ ဗီယက်နမ် ယူ-၁၉ အသင်း အနိုင်ရရှိ

ပြန်ကြားရေးဝန်ကြီးဌာန/ နေပြည်တော် / June 05, 2026

နေပြည်တော် ဇွန် ၄

အင်ဒိုနီးရှားနိုင်ငံ၌ အိမ်ရှင်အဖြစ် လက်ခံကျင်းပလျက်ရှိသည့် ASEAN U19 BOYS’ BANK SUMUT CHAMPIONSHIP 2026 ပြိုင်ပွဲ အုပ်စု(A)၏ ဒုတိယမြောက်ပွဲစဉ်ကို ယနေ့ညနေပိုင်းတွင် Sumatera Utara အားကစားကွင်း၌ကျင်းပရာ ဗီယက်နမ် ယူ-၁၉ အသင်းက မြန်မာ ယူ-၁၉ အသင်းကို ငါးဂိုးပြတ်ဖြင့် အနိုင်ရရှိခဲ့သည်။ မြန်မာယူ-၁၉ အသင်းသည် အဖွင့်ပွဲစဉ်၌လည်း အိမ်ရှင် အင်ဒိုနီးရှားအသင်းကို သုံးဂိုးပြတ်ဖြင့် ရှုံးနိမ့်ခဲ့သည်။ ယနေ့ပွဲတွင် ဗီယက်နမ် ယူ-၁၉ အသင်းအနေဖြင့် မြန်မာ ယူ-၁၉ အသင်းအားငါးဂိုးပြတ် အနိုင်ရရှိခဲ့ခြင်းကြောင့် အကြိုဗိုလ်လုပွဲတက်ရန် သေချာသလောက် ရှိသွားပြီဖြစ်သည်။

မြန်မာ့အလင်း