MSME များ ဘက်စုံဖွံ့ဖြိုးတိုးတက်ရေး ဝန်ဆောင်မှုလုပ်ငန်းများနှင့် ပံ့ပိုးမှုများ အမှန်တကယ် အကျိုးရှိထိရောက်အောင်ဆောင်ရွက်

MSME များ ဘက်စုံဖွံ့ဖြိုးတိုးတက်ရေး ဝန်ဆောင်မှုလုပ်ငန်းများနှင့် ပံ့ပိုးမှုများ အမှန်တကယ် အကျိုးရှိထိရောက်အောင်ဆောင်ရွက်

နေပြည်တော် မေ ၁၂

စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ဒုတိယဝန်ကြီး ဒေါက်တာအောင်ဇေယျသည် တာဝန်ရှိသူများနှင့်အတူ ယမန်နေ့မွန်းလွဲပိုင်းက မန္တလေးတိုင်းဒေသကြီးအတွင်း စက်မှုကြီးကြပ်ရေးနှင့်စစ်ဆေးရေးဦးစီးဌာနမှ အရာထမ်း၊ အမှုထမ်းများနှင့်တွေ့ဆုံပြီး ဌာနခွဲအလိုက်လုပ်ငန်းများ ဆောင်ရွက်နေမှု ကြည့်ရှုစစ်ဆေးသည်။

ထိုသို့တွေ့ဆုံစဉ် ဒုတိယဝန်ကြီးက Agro-based Industries များ၊ MSME များ ဘက်စုံဖွံ့ဖြိုးတိုးတက်ရေးဦးတည်လျက် ဝန်ဆောင်မှုလုပ်ငန်းများနှင့် ပံ့ပိုးမှုများကို အမှန်တကယ် အကျိုးရှိထိရောက်အောင် ဆောင်ရွက်သွားရန်၊ MSME One Stop Service Center နှင့် One Region One Product (OROP) ဆိုင်ရာလုပ်ငန်းများအား မြှင့်တင်ဆောင်ရွက်သွားရန်၊ ဌာနခွဲနှင့် အဖွဲ့အစည်းလိုက် စွမ်းဆောင်ရည်များ အမှန်တကယ်တိုးတက်မှုရှိစေရေး တက်ညီလက်ညီ ကြိုးပမ်းဆောင်ရွက်ကြရန် တိုက်တွန်းပြောကြား သည်။

ထို့နောက် ဌာနခွဲအလိုက် လုပ်ငန်းဆောင်ရွက်နေမှုအခြေအနေကို လှည့်လည်ကြည့်ရှုစစ်ဆေးပြီး လိုအပ်သည်များ မှာကြားခဲ့ကြောင်း သိရသည်။

သတင်းစဉ်