မြန်မာနိုင်ငံကူးလက်မှတ်လျှောက်ထားခြင်းအတွက် ဝန်ဆောင်မှုရယူရန် အခြေခံလိုအပ်ချက်များ
မြန်မာနိုင်ငံကူးလက်မှတ်လျှောက်ထားခြင်းအတွက် ဝန်ဆောင်မှုရယူရန် အခြေခံလိုအပ်ချက်များ
ပြည်ထဲရေးဝန်ကြီးဌာန / July 23, 2024
လျှောက်ထားသူအားလုံးပါရှိရမည့်အထောက်အထား
- နိုင်ငံသားစိစစ်ရေးကတ်ပြား မူရင်းနှင့်မိတ္တူ ၂ စုံ
- အိမ်ထောင်စုစာရင်းမူရင်းနှင့်မိတ္တူ ၂ စုံ
- အသက် ၁၀ နှစ်အောက်ဖြစ်လျှင် မွေးစာရင်း မူရင်းနှင့်မိတ္တူ ၂ စုံ
- UID ကတ်ပြား မူရင်းနှင့်မိတ္တူ ၂ စုံ
သင်္ဘောသားဖြစ်ပါက(PS)
- ပြည်တွင်းရေကြောင်းမှ အခြေခံပင်လယ်ပြင် အသက်အန္တရာယ် လုံခြုံမှုသင်တန်းဆင်းလက်မှတ် မူရင်းနှင့် မိတ္တူ ၂ စုံ
- သက်တမ်းတိုးဖြစ်ပါက မြန်မာနိုင်ငံကူးလက်မှတ်စာအုပ်ဟောင်း၊ သင်္ဘောသားလုပ်သက်မှတ်တမ်း (CDC)စာအုပ် မူရင်းနှင့် မိတ္တူ ၂ စုံ
- စီမံကိန်းနှင့် ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာနမှ ထုတ်ပေးသည့် အခွန် ကင်းရှင်းကြောင်း ထောက်ခံချက် မူရင်းနှင့် မိတ္တူ ၂ စုံ
စီးပွားရေးမြန်မာနိုင်ငံကူးလက်မှတ်လျှောက်ထားသူများ(PB)
- ကုမ္ပဏီလိုင်စင်(သက်တမ်းရှိ) မူရင်းနှင့် မိတ္တူ ၂ စုံ
- ကုမ္ပဏီမှတ်ပုံတင် မူရင်းနှင့် မိတ္တူ ၂ စုံ
- ပုံစံ(၆/၂၆) မူရင်းနှင့် မိတ္တူ ၂ စုံ
ပြည်ပအလုပ်အကိုင်အတွက် လျှောက်ထားသူများ(PJ)
- အလုပ်သမားညွှန်ကြားရေးဦးစီးဌာန၊ အလုပ်အကိုင်နှင့် အလုပ်သမားရှာဖွေရေးရုံးမှ ထုတ်ပေးသော အလုပ်သမား မှတ်ပုံတင်ကတ်ပြား မူရင်း
- စီမံကိန်းနှင့် ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာနမှ ထုတ်ပေးသည့် အခွန် ကင်းရှင်းကြောင်း ထောက်ခံချက် မူရင်းနှင့် မိတ္တူ ၂ စုံ
မှီခိုလျှောက်ထားသူများ(PT)
- နိုင်ငံခြားသားမှီခိုဖြစ်ပါက အပြန်လေယာဉ်စရိတ်ပေးသွင်းပြီးကြောင်း ထောက်ခံစာ
- လက်ထပ်စာချုပ်ကဲ့သို့သော အထောက်အထားများ
ရဟန်းသံဃာများ/ သီလရှင်များ(PR)
- သာသနာဝင်ကတ်ပြား မူရင်းနှင့် မိတ္တူ ၂ စုံ
- မြို့နယ်သံဃနာယကအဖွဲ့၏ ထောက်ခံချက် မူရင်းနှင့် မိတ္တူ ၂ စုံ
နိုင်ငံ့ဝန်ထမ်းများ
- သက်ဆိုင်ရာဝန်ကြီးဌာန၏ ပြည်ပခွင့် မူရင်းနှင့် မိတ္တူ ၂ စုံ
တပ်မတော်သားများ၏ ဇနီး/ခင်ပွန်းနှင့် သားသမီးများ
- ကက(ကြည်း)၏ ထောက်ခံချက် မူရင်းနှင့် မိတ္တူ ၂ စုံ
ပြစ်ဒဏ်ကျခံဖူးသူများ
- ထောင်ထွက်လက်မှတ် မူရင်းနှင့် မိတ္တူ ၂ စုံ
GREEN CHANNEL-GC
- MoU အလုပ်သမားများ၊ ဘာသာရေးဆိုင်ရာအဖွဲ့အစည်းများ၊ ယဉ်ကျေးမှုဖလှယ်ပွဲများ၊ သင်္ဘောသားများ၊ ပြည်ပသို့ ခွင့်ဖြင့်သွားရောက်မည့်ကိစ္စရပ်များ၊ ခရီးသွားလုပ်ငန်း ဖွံ့ဖြိုးတိုးတက်ရေး အတွက် ခရီးသွားအေဂျင်စီများ၊ ပညာသင်များ၊ သက်ဆိုင်ရာဝန်ကြီးဌာနအလိုက် အစိုးရကိစ္စရပ် များဖြင့် သွားရောက်မည့်သူများ၊ ဆက်စပ်သည့် သက်ဆိုင်ရာဝန်ကြီးဌာနများမှ ညွှန်ကြားရေးမှူးချုပ်နှင့် အထက်အဆင့်များထောက်ခံပြီး ၎င်းဝန်ကြီးဌာနများမှတစ်ဆင့် ဥက္ကဋ္ဌ၊ မြန်မာနိုင်ငံကူးလက်မှတ် ထုတ်ပေးရေးရုံး၊ ရုံးအမှတ်(၃၈) ၊ နေပြည်တော်သို့ ရုံးစာဖြင့် ပေးပို့တင်ပြသွားရန် ဖြစ်ပါသည်။
- ပြည်ပသို့ဆေးကုသွားမည့်သူများ၊ ဆေးကုဖော်လိုက်ပါမည့်သူများအနေဖြင့် ပြည်တွင်းဆေးကု မှတ်တမ်း၊ ပြည်ပရှိ ဆေးကုသမည့်ဆေးရုံမှ Appointment Date ပါရှိသည့်ဆေးကုသရန်ခေါ်စာ တို့နှင့်အတူ ဥက္ကဋ္ဌ၊ မြန်မာနိုင်ငံကူးလက်မှတ်ထုတ်ပေးရေးရုံး၊ ရုံးအမှတ်(၃၈) ၊ နေပြည်တော်သို့ ရုံးစာဖြင့် ပေးပို့လျှောက်ထားနိုင်ပါသည်။
အိမ်တိုင်ရာရောက်ဆောင်ရွက်ပေးမှုအခြေအနေ
- အသက် ၆၀ ကျော် ကျန်းမာရေးမကောင်းသူ
- ဆေးရုံ၊ ဆေးခန်းများတွင် ဆေးဝါးကုသမှုခံယူနေသူများ
- ကျန်းမာရေးအခြေအနေအရ ကိုယ်တိုင်လာရောက်နိုင်ခြင်းမရှိသူများ