စုပေါင်းအသက်အာမခံ
စုပေါင်းအသက်အာမခံ
စီမံကိန်းနှင့် ဘဏ္ဍာရေးဝန်ကြီးဌာန / August 13, 2024
ဝန်ဆောင်မှုရယူရန်အခြေခံလိုအပ်ချက်များ
အလုပ်ရှင်၏ ဆန္ဒအရသော်လည်ကောင်း (သိုမဟုတ်) အလုပ်သမားများ၏ ဆန္ဒအရ သော်လည်းကောင်း အာမခံထားရှိနိုင်ပါသည်။ အသက်(၁၈)နှစ် မှ (၆၅)နှစ် အတွင်း ရှိသူ ဖြစ်ရပါမည်။ အနည်းဆုံး အလုပ်သမား (၅) ဦး ရှိရပါမည်။
ဝန်ဆောင်ခ
အာမခံထားငွေကျပ် ၁၀၀၀၀/- အတွက် တစ်နှစ်ကျသင့်ပရီမီယံမှာ ကျပ် ၁၀၀/- ဖြစ်ပါသည်။
လိုအပ်သောစာရွက်စာတမ်းများ
- မျက်မြင်အားဖြင့် ကျန်းမာရေးကောင်းမွန်သူဖြစ်ရပါမည်။ အလုပ်ရှင်က အလုပ်သမား များ ကျန်းမာကြောင်းထောက်ခံချက်ပါရှိရပါမည်။ အာမခံထားငွေအနည်းဆုံး ကျပ် ၁၀၀၀၀/- မှ အများဆုံး ကျပ် သန်း၅၀ အထိ ထားရှိနိုင်ပါသည်။
- အသက်(၁၈)နှစ်မှ(၄၅)နှစ်အထိ အာမခံထားငွေ ကျပ် ၁ သန်းအထိ ဆေးစစ်ခြင်း ကင်းလွတ်ခွင့်ဖြင့် လက်ခံပါသည်။
- အသက်(၄၅)နှစ် ကျော်လျှင်သော်လည်းကောင်း၊ ကျပ်(၁)သန်း အထက် ကျော်လျှင် သော်လည်းကောင်း ကျန်းမာရေးနှင့်အားကစားဝန်ကြီးဌာန အသိအမှတ်ပြု ဆရာဝန် (သို့မဟုတ်)ဆေးရုံ/ဆေးခန်းများ၏ ဆေးစစ်ချက်ပုံစံဖြင့် ဆေးစစ်ရပါမည်။
လျှောက်ထားရန်အဆင့်များ
အဆင့်-၁
အဆိုလွှာဖြည့်စွက်ခြင်း
အဆင့်-၂
ပရီမီယံပေးသွင်းခြင်း
အဆင့်-၃
ပေါ်လစီစာချုပ်ထုတ်ပေးခြင်း
ဖြည့်စွက်ချက်
- ထာဝစဉ်မစွမ်းမသန်ဖြစ်၍ လုံးဝအလုပ်မလုပ်ကိုင်နိုင်ခြင်းအတွက် အာမခံထားငွေ၏ ၁၀၀% အကျိုးခံစားခွင့်ထုတ်ပေးပါသည်။
- အာမခံထားသူများစာရင်းတွင်ပါဝင်သည့် အလုပ်သမားတစ်ဦးသည် အလုပ်ခွင်မှ အပြီးထွက်လျှင် သော်လည်းကောင်း၊ထုတ်ပယ်ခြင်းခံရလျှင် သော်လည်းကောင်း၊ ယင်းနေ့ရက်နောက်ပိုင်း သေဆုံးခြင်းနှင့်ဒဏ်ရာရခြင်းအတွက် နစ်နာကြေး ရခွင့် မရှိပါ။
- အလုပ်သမားကိုယ်တိုင် ပြစ်မှုကျူးလွန်ရာမှ ရရှိသော ဒဏ်ရာအတွက် နစ်နာကြေး ရခွင့်မရှိပါ။
- အလုပ်သမားကိုယ်တိုင် ဒဏ်ရာရရှိအောင်ဆောင်ရွက်ခြင်းမှ ရရှိသောဒဏ်ရာအတွက် နစ်နာကြေးရခွင့်မရှိပါ။
- အလုပ်သမားများသည် အာမခံသက်တမ်းအတွင်း သေဆုံးခြင်း၊ဒဏ်ရာရခြင်း ဖြစ်ပါက (၁) လ အတွင်း မြန်မာ့အာမခံလုပ်ငန်းသို့သတင်းပို့၍ အကျိုးခံစားခွင့် တောင်းခံရမည်။
အကျိုးခံစားခွင့်တောင်းခံမှုအတွက် လိုအပ်ချက်များ
၁။ သေဆုံးမှုအကျိုးခံစားခွင့်
- အာမခံထားသူ/အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ
- ပေါ်လစီစာချုပ်မူရင်း
- ငွေရပြေစာနှင့်ပြီးပြတ်လွှာ
- ကုမ္ပဏီမှသေဆုံးကြောင်း(သို့မဟုတ်)ရုံးအမိန့်ပြန်တမ်း
- သေဆုံးကြောင်းရပ်ကွက်/ကျေးရွာအုပ်ချုပ်ရေးမှူး၏ထောက်ခံချက်
၂။ ထိခိုက်ဒဏ်ရာရရှိမှုအကျိုးခံစားခွ့
- အာမခံထားသူ/အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ
- ပေါ်လစီစာချုပ်မူရင်း
- ဆေးကုသမှုမှတ်တမ်းစာအုပ်မိတ္တူ
- ငွေရပြေစာနှင့်ပြီးပြတ်လွှာ
၃။ ကော်မရှင်ပေးခြင်း
- စုပေါင်းအသက်အာမခံတွင် ကိုယ်စားလှယ်ကော်မရှင်နှုန်းထားကို ပေးသွင်းပရီမီယံပေါ်မှ ၁၅ ရာခိုင်နှုန်းခံစားခွင့်ပြုပါသည်။
- ကိုယ်စားလှယ်ကော်မရှင်တောင်းခံခြင်းကို ပရီမီယံပေးသွင်းသည့် အထောက်အထား၊ ပြေစာ မိတ္တူတင်ပြပါက ငွေစာရင်းကောင်တာဖွင့်ချိန်အတွင်း နေ့ချင်းပြီး ဆောင်ရွက်ပေးပါသည်။