သင်္ဘောသားအသက်အာမခံ
သင်္ဘောသားအသက်အာမခံ
စီမံကိန်းနှင့် ဘဏ္ဍာရေးဝန်ကြီးဌာန / August 13, 2024
ဝန်ဆောင်မှုရယူရန်အခြေခံလိုအပ်ချက်များ
သင်္ဘောသားအသက်အာမခံကို အသက်(၁၈)နှစ် မှ (၆၀)နှစ် ရှိသူ ပြည်ပထွက်ခွာသင်္ဘောသား များထားရှိနိုင်ပါသည်။
ဝန်ဆောင်ခ
အာမခံထားငွေ ကျပ် သိန်း(၅၀) အတွက် တစ်ယူနစ်ကျသင့်ပရီမီယံမှာ ကျပ် ၃၀,၀၀၀/-ဖြစ်ပါသည်။ အကယ်၍အသက်(၆၀)နှစ် ကျော်သော်လည်း ကျန်းမာရေးကောင်းသဖြင့် သင်္ဘောသားအသက်အာမခံ ထားရှိလိုပါက အပို ပရီမီယံ ကျပ် ၅၀၀၀/-ထပ်ဆောင်း၍ စုစုပေါင်းပရီမီယံ ကျပ်၃၅,၀၀၀/-ဖြင့် လက်ခံဆောင်ရွက်ပေးပါသည်။ (၁) ယူနစ် မှ (၄) ယူနစ် အထိ ဝယ်ယူနိုင်ပါသည်။
လိုအပ်သောစာရွက်စာတမ်းများ
နိုင်ငံကူးလက်မှတ်အမှတ်ဖော်ပြရန်လိုအပ်၍ သင်္ဘောသားမှတ်ပုံတင်အမှတ် စီဒီစီမိတ္တူနှင့် ဆေးမှတ်တမ်းမိတ္တူ တင်ပြရပါမည်။
လျှောက်ထားရန်အဆင့်များ
အဆင့်-၁
အဆိုလွှာဖြည့်စွက်ခြင်း
အဆင့်-၂
ပရီမီယံပေးသွင်းခြင်း
အဆင့်-၃
အာမခံလက်မှတ်ထုတ်ပေးခြင်း
ဖြည့်စွက်ချက်
- သင်္ဘောသားအသက်အာမခံ လက်ခံခြင်းအား ကွန်ပျူတာစနစ်ဖြင့် အဆိုလွှာလက်ခံခြင်း၊ ပရီမီယံငွေရပြေစာ ထုတ်ပေးခြင်းနှင့် သင်္ဘောသားအသက်အာမခံ လက်မှတ်များအား စနစ်မှ တိုက်ရိုက်ထုတ်ပေးလျက်ရှိပါသည်။
- အာမခံသက်တမ်းအတွင်း သေးဆုံးခြင်း၊ ထာဝစဉ်မသန်မစွမ်းနှင့် ထိခိုက်ဒဏ်ရာ ရရှိမှုအတွက် အကျိုးခံစားခွင့် ရရှိမည်ဖြစ်ပါသည်။
အကျိုးခံစားခွင့်တောင်းခံမှုအတွက် လိုအပ်ချက်များ
၁။ သေဆုံးမှုအကျိုးခံစားခွင့်
- အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ
- ပေါ်လစီစာချုပ်မူရင်း
- ငွေရပြေစာနှင့်ပြီးပြတ်လွှာ
- သေဆုံးကြောင်းကုမ္ပဏီ၏အကြောင်းကြားစာ
- Master Report
- Death Certificate and Cremation Certificate
- ၁၀၀/- ကျပ်တန်အခွန်စာချုပ် ၂ စောင်
- ရန်ကုန်သို့အလောင်းသယ်ယူပါက Airway Bill သံရုံးထောက်ခံချက်နှင့် သင်္ချိုင်းလက်မှတ်
- သေဆုံးကြောင်းရပ်ကွက်/ကျေးရွာအုပ်ချုပ်ရေးမှူး၏ထောက်ခံချက်
- အလောင်းမရရှိပါက ၁ နှစ် စောင့်ဆိုင်းပြီး အိမ်နီးချင်း(၄)ဦး၏ တစ်နှစ်အတွင်း အာမခံထားသူ အသက်ရှင်သွားလာမှုမရှိကြောင်းထောက်ခံချက်များနှင့်နိုင်ငံသားကတ်မိတ္တူများ
၂။ ထိခိုက်ဒဏ်ရာရရှိမှုအကျိုးခံစားခွင့်
- အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ
- ပေါ်လစီစာချုပ်မူရင်း
- ငွေရပြေစာနှင့်ပြီးပြတ်လွှာ
- Master Report
- ဆေးကုသမှုမှတ်တမ်းနှင့်ဆရာဝန်၏ဆေးစစ်ချက်ထောက်ခံစာ
- ထိခိုက်ဒဏ်ရာရရှိကြောင်းကုမ္ပဏီ၏အကြောင်းကြားစာ