အားကစားသမားကိုယ်အင်္ဂါ ထိခိုက်မှုအသက်အာမခံ
အားကစားသမားကိုယ်အင်္ဂါ ထိခိုက်မှုအသက်အာမခံ
စီမံကိန်းနှင့် ဘဏ္ဍာရေးဝန်ကြီးဌာန / August 13, 2024
ဝန်ဆောင်မှုရယူရန် အခြေခံလိုအပ်ချက်များ
အသက် ၁၀ နှစ်မှ ၆၀ နှစ်အထိရှိသောရပ်ကွက်၊ ကျေးရွာ၊ မြို့နယ်၊ ခရိုင်၊ ပြည်နယ်/ တိုင်းဒေသကြီးအသီးသီးရှိသော ကျောင်းသူ၊ ကျောင်းသားများနှင့် အားကစားသမားများ ထားရှိ နိုင်ပါသည်။
ဝန်ဆောင်ခ
မည်သည့်အားကစားနည်းမဆို အားကစားတစ်ဦးလျှင် အာမခံသက်တမ်း (၁) နှစ် တစ်ယူနစ် ထားငွေကျပ် ၁၀ သိန်း၊ ကျသင့်ပရီမီယံငွေကျပ် ၅၀၀၀/-ဖြင့် အများဆုံး (၅)ယူနစ် အာမခံထားငွေ ကျပ် သိန်း ၅၀ အတွက် ၂၅၀၀၀/-၊ ဂေါက်သီးအားကစားသမားများနှင့်အတူ ဂေါက်သီးကောက်သမား(CADDIE)များလည်း အဆိုပါနှုန်းထားအတိုင်းပေးဆောင်ရပါမည်။ ပြည်ပနိုင်ငံများသို့ သွားရောက်ယှဉ်ပြိုင်သည့်အခါ ခရီးသွားအာမခံ အသွားအပြန် လေယာဉ် ခရီးစဉ်တွင် အာမခံအကျိုးခံစားခွင့် ကျပ် သိန်း ၅၀ အတွက် ပရီမီယံ ကျပ် ၁၀၀၀/-၊ သက်ဆိုင်ရာနိုင်ငံများတွင် နေထိုင်၊ ယှဉ်ပြိုင်၊ လေ့ကျင့်နေစဉ်ကာလအတွင်း ပေးရမည့် အပိုပရီမီယံကြေးမှာ ၁ ယူနစ် (၇)ရက် ခရီးစဉ်အတွက် ကျပ် ၅၀၀/-၊ တစ်လ ခရီးစဉ်အတွက် ၁ ယူနစ် ကျပ် ၁၀၀၀/-၊ ကျသင့်မည်ဖြစ်ပါသည်။
လိုအပ်သောစာရွက်စာတမ်းများ
အဆိုလွှာတွင်ဖြည့်စွက်ခြင်း
အဆင့်-၁
အဆိုလွှာဖြည့်စွက်ခြင်း၊
အဆင့်-၂
ပရီမီယံပေးသွင်းခြင်း၊
အဆင့်-၃
အာမခံလက်မှတ်ထုတ်ပေးခြင်း
ဖြည့်စွက်ချက်
- အားကစားလေ့ကျင့်နေစဉ်နှင့် အားကစားပြိုင်ပွဲဝင်နေစဉ် အသက်ဆုံးရှုံးပါက ကျပ်(၁၀)သိန်း ရရှိနိုင်ပါသည်။
- ဒဏ်ရာရရှိပါက ဆေးမှတ်တမ်းအပေါ်မူတည်၍ သတ်မှတ်နှုန်းထားအတိုင်း လျော်ကြေး ရရှိနိုင်ပါသည်။
- အထက်ဖော်ပြပါ ခရီးသွားအာမခံနှင့် ရက်တိုခရီးသွားအာမခံ ထားရှိခြင်းအား အားကစားအာမခံ (၁)နှစ်သက်တမ်း ထားရှိပြီးသော အားကစားသမားများသာ လက်ခံဆောင်ရွက်ပေးပါသည်။
အကျိုးခံစားခွင့်တောင်းခံမှုအတွက် လိုအပ်ချက်များ
၁။ သေဆုံးမှုအကျိုးခံစားခွင့်
- အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ/အိမ်ထောင်စုစာရင်းမိတ္တူ
- အာမခံလက်မှတ်မူရင်း
- ငွေရပြေစာနှင့်ပြီးပြတ်လွှာ
- သေဆုံးမှုလက်မှတ်/အထောက်အထားမိတ္တူ
- သေဆုံးကြောင်းရပ်ကွက်/ကျေးရွာအုပ်ချုပ်ရေးမှူး၏ထောက်ခံချက်
၂။ ထိခိုက်ဒဏ်ရာရရှိမှုအကျိုးခံစားခွ့
- အာမခံထားသူ/အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ
- ပေါ်လစီစာချုပ်မူရင်း
- ဆေးကုသမှုမှတ်တမ်းစာအုပ်မိတ္တူ
- ငွေရပြေစာနှင့်ပြီးပြတ်လွှာ
၃။ ကော်မရှင်ပေးခြင်း
- အားကစားသမားကိုယ်အင်္ဂါထိခိုက်မှုအသက်အာမခံတွင် ကိုယ်စားလှယ်ကော်မရှင် နှုန်းထားကို ပေးသွင်းပရီမီယံပေါ်မှ ၈ ရာခိုင်နှုန်းခံစားခွင့်ပြုပါသည်။
- ကိုယ်စားလှယ်ကော်မရှင်တောင်းခံခြင်းကို ပရီမီယံပေးသွင်းသည့် အထောက်အထား၊ ပြေစာ မိတ္တူတင်ပြပါက ငွေစာရင်းကောင်တာဖွင့်ချိန်အတွင်း နေ့ချင်းပြီး ဆောင်ရွက်ပေးပါသည်။