နေပြည်တော် စည်ပင်သာယာရေးကော်မတီ၊နှာတို့/လက်တို့ရည် စစ်ဆေးခြင်း
နေပြည်တော် စည်ပင်သာယာရေးကော်မတီ၊နှာတို့/လက်တို့ရည် စစ်ဆေးခြင်း
Naypyitaw Development Committee / October 08, 2021
ရည်ရွယ်ချက်
- နေပြည်တော်စည်ပင်သာယာရေးကော်မတီ၊ နယ်နိမိတ်အတွင်းဖွင့်လှစ်ရောင်းချ လျက်ရှိသော စားသောက်ဆိုင်များမှ ဝယ်ယူစားသုံးကြသော ပြည်သူလူထုအနေဖြင့် ရောဂါပိုးမွားကြောင့်ဖြစ်သော အစာအဆိပ်သင့်ခြင်းတို့မှ ကာကွယ်ရန်၊
- ရောဂါပိုးသယ်ဆောင်ထားသော ချက်ပြုတ်ပြင်ဆင်သူတို့ကို ရှာဖွေဖော်ထုတ်၍အချိန်မီ ကုသမှုပေးနိုင်ရန်၊
- ပြည်သူလူထုအနေဖြင့် ဘေးအန္တရာယ်ကင်းရှင်းသောအစားအစာများကို ဝယ်ယူ စားသုံးနိုင်စေရန်၊
လုပ်ဆောင်ချက်
- နေပြည်တော်စည်ပင်သာယာရေးကော်မတီ၊ ကျန်းမာရေးဌာနမှ ဆရာဝန်များ၊ ကျန်းမာရေးမှူးများနှင့်ဝန်ထမ်းများမှ စားသောက်ဆိုင်၊ အစားအသောက်လုပ်ငန်းများတွင် ချက်ပြုတ်ပြင်ဆင်သူများ၏ အထွေထွေကျန်းမာရေးကို စစ်ဆေးပြီးလျှင် အသင့်ယူဆောင်လာသော Specimen Containerဖြင့် နှာတို့ရည်၊ လက်တို့ရည်တို့ကို နမူနာ ယူပြီး ဇမ္ဗူသီရိအထူးကုဆေးရုံကြီးရှိ ဓာတ်ခွဲခန်းသို့ပေးပို့စစ်ဆေးစေမည်ဖြစ်ပါသည်။ ထိုသို့စစ်ဆေးပြီး ရရှိလာသောအဖြေများကို စိစစ်၍ လိုအပ်သော ညွှန်ကြားမှုများကို ဆောင်ရွက်သွားမည် ဖြစ်ပါသည်။
- ထိုသို့စစ်ဆေးရာတွင် စားသောက်ဆိုင်လုပ်ငန်းရှင်များအနေဖြင့် မိမိအစီအစဉ်ဖြင့် စစ်ဆေးလိုပါကလည်း ချက်ပြုတ်သူများကို ဇမ္ဗူသီရိအထူးကုဆေးရုံကြီးသို့စေလွှတ်၍ စစ်ဆေးမှုခံယူနိုင်ပါသည်။
- ကျန်းမာရေးစစ်ဆေးရာ၌ ဆိုင်လုပ်သားတစ်ဦးလျှင် ကျန်းမာရေးစစ်ဆေးခ(၁၂ဝဝိ/-)နှင့် ဓါတ်ခွဲစစ်ဆေးခ(၂၀ဝဝိ/-)နှုန်း စုစုပေါင်း (၃၂ဝဝိ/-)နှုန်းပေးဆောင်ရပါမည်။ ထိုသို့ စစ်ဆေးပြီး အစာအဆိပ် သင့်စေသော ရောဂါပိုးမွှားကင်းရှင်းပါက ကျန်းမာရေးထောက်ခံချက်ထုတ်ပေးပါမည်။