ဆောက်လုပ်ရေးဝန်ကြီးဌာန

နောက်ခံသမိုင်းကြောင်း

မြန်မာနိုင်ငံလွတ်လပ်ရေးရရှိပြီးကာလတွင် ပြည်သူ့အိုးအိမ် ပြန်လည်ထူထောင်ရေးနှင့် မြို့ရွာစည်ပင်ရေးအဖွဲ့တို့ကို ဦးဆောင်ကြပ်မတ်နိုင်ရန် ၁၉၅၄ ခုနှစ်တွင် ပြည်သူ့လုပ်ငန်းနှင့် အိမ်ရာဆောက်လုပ်ရေးဝန်ကြီးဌာန အမည်ဖြင့် စတင်ဖွဲ့စည်း ဆောင်ရွက်ခဲ့ပါသည်။

၁၉၇၂ ခုနှစ်တွင် ဆောက်လုပ်ရေးဝန်ကြီးဌာနအဖြစ် ပြုပြင်ပြောင်းလဲ ဖွဲ့စည်းခဲ့ပြီး ဝန်ကြီးဌာန၏ ရည်မှန်းချက်နှင့် တာဝန်ဝတ္တရားများကို ပြည်ထောင်စုအစိုးရအဖွဲ့၏ ဦးဆောင်မှု ဖြင့် ဖော်ဆောင်လျက် ရှိပါသည်။ အဓိကအားဖြင့် ပြည်သူ့ရေးရာ ဝန်ဆောင်မှုများအနက် လူမှု စီးပွားရေး၏ အခြေခံအဆောက် အအုံများဖြစ်သော လမ်းကွန်ရက်၊ ဆောက်လုပ်ရေးကဏ္ဍနှင့် လူမှုစီးပွားဖွံ့ဖြိုးတိုးတက်မှုအတွက် လိုအပ်သော မြို့ပြကဏ္ဍနှင့် အိမ်ရာကဏ္ဍတို့ စဉ်ဆက်မပြတ် ဖွံ့ဖြိုးရေးကို တာဝန်ယူကြပ်မတ်ဖော်ဆောင်လျက်ရှိသော ဝန်ကြီးဌာန ဖြစ်ပါသည်။

မူဝါဒ(၆)ရပ်

၁။ မြန်မာနိုင်ငံ၏ ဆောက်လုပ်မှုကဏ္ဍကို စနစ်ကျန၍ ခေတ်မီစွာ ဖွံ့ဖြိုးတိုးတက်စေရေး ၊

၂။ မြန်မာနိုင်ငံတွင်ရှိသည့် အဆောက်အအုံများ၏ စံချိန်စံညွှန်းများ တစ်ပြေးညီ ဖြစ်စေရန် ကြပ်မတ်ထိန်းသိမ်းပေးရေး ၊

၃။ မြန်မာနိုင်ငံ၏ လမ်း / တံတားများကို အဆင့်မီဖွံ့ဖြိုးတိုးတက်စေရန်နှင့် သယ်ယူပို့ဆောင် ရေး စရိတ်နှင့်အချိန်ကို လျော့ချနိုင်စေရေး ၊

၄။ ပုဂ္ဂလိကလုပ်ငန်းရှင်များနှင့် P.P.P (Public Private Partnership) အစီအစဉ်အရ နိုင်ငံသားလုပ်ငန်း ရှင်များအား ဖိတ်ခေါ်၍ အကျိုးတူ ပူးပေါင်းဆောင်ရွက်နိုင်ရေး၊

၅။ မြန်မာနိုင်ငံ၏ မြို့ပြနှင့်အိမ်ရာကဏ္ဍကို ဟန်ချက်ညီညီ စဉ်ဆက်မပြတ် ရေရှည်ဖွံ့ဖြိုး တိုးတက်စေရန်နှင့် ပြည်သူတို့၏ နေထိုင်မှုအဆင့်အတန်းမြှင့်တင်ရေး ၊

၆။ ပြည်သူလူထုအတွက် နိုင်ငံတော်၏ အဆောက်အအုံနှင့် သင့်လျော်ကောင်းမွန်သည့်အိမ်ရာ များ စဉ်ဆက်မပြတ် ဖြည့်ဆည်းနိုင်ရေး ၊

ရည်မှန်းချက်နှင့် ဦးတည်ချက်(၉)ရပ်

၁။ အဆောက်အအုံဆောက်လုပ်ရေးနည်းပညာများ ဖွံ့ဖြိုးတိုးတက်စေရမည် ။

၂။ ဆောက်လုပ်ရေးလုပ်ငန်းသုံးပစ္စည်းများ အမျိုးသားစံချိန်စံညွှန်းနှင့် ညီညွတ်စေရမည်။

၂၀၃၀ ပြည့်နှစ်တွင် လက်ရှိ ကီလိုမီတာ (၄၂၆၈၅)ရှိလမ်းများအား ASEAN Class III (၁၈ ပေ အကျယ်) ကတ္တရာလမ်း/ကွန်ကရစ်လမ်းအဆင့် အနည်းဆုံးရောက်ရှိရန်နှင့် တံတား များ အားလုံး (၂၄ ပေအကျယ်) နှစ်လမ်းသွား RC တံတား/ PC တံတား/ သံပေါင်တံတား အဆင့်သို့ အနည်းဆုံး ရောက်ရှိရမည်။

၄။ ပုဂ္ဂလိကလုပ်ငန်းရှင်များနှင့် P.P.P (Public Private Partnership) အစီအစဉ်အရ နိုင်ငံသားလုပ်ငန်းရှင်များအား ဖိတ်ခေါ်၍ ဖောက်လုပ်ပြုပြင် အဆင့်မြှင့်တင်ခြင်း၊ လုပ်ငန်း လုပ်ကိုင်ခြင်းနှင့် လွှဲပြောင်းပေးခြင်း (B.O.T) (Build, Operate and Transfer) စနစ်ဖြင့် ပုဂ္ဂလိကပိုင်အခန်းကဏ္ဍကို မြှင့်တင်နိုင်ရန် နည်းပညာပိုင်းပံ့ပိုးခြင်း၊ အတတ်ပညာပိုင်း အကူအညီပေးခြင်း၊ ရပိုင်ခွင့်များနှင့် လုပ်ပိုင်ခွင့်များ ကာကွယ် စောင့်ရှောက်ပေးသွားရမည်။

၅။ ၂၀၃၀ ပြည့်နှစ်တွင် မြန်မာနိုင်ငံရှိ မြို့ပေါင်း(၃၃၀)ကျော်သည် စနစ်ကျနသော မြို့ပြအဖြစ် အကွက်ချတည်ဆောက်ပြီး ဖြစ်ရမည် ။

၆။ ပြည်သူလူထုနှင့် နိုင်ငံ့ဝန်ထမ်းများအတွက် အရောင်းအိမ်ရာများနှင့် အငှားအိမ်ရာများကို တစ်နိုင်ငံလုံး အတိုင်းအတာဖြင့် ဆောင်ရွက်၍ အိမ်ရာလိုအပ်ချက်များကို ထိရောက်စွာ ဖြည့်ဆည်းပေးနိုင်ပြီး ၂၀၃၀ ပြည့်နှစ်တွင် အစိုးရပိုင်းနှင့် ပုဂ္ဂလိကပိုင်းမှ အိမ်ခန်း (၁)သန်း တည်ဆောက်ပေးနိုင်ရမည် ။

၇။ မြန်မာနိုင်ငံရှိ ပြည်သူတစ်ရပ်လုံး၏ လူမှုစီးပွားဘဝ ဖွံ့ဖြိုးတိုးတက်မြင့်မားလာစေရန် အတွက် လမ်းများ ၊ တံတားများ ၊ လူနေထိုင်ရန် အဆောက်အအုံများ ဖွံ့ဖြိုးတိုးတက်လာ စေရန် ၊

၈။ တိုင်းဒေသကြီး / ပြည်နယ်များအလိုက် လမ်း ၊ တံတားများနှင့် မြို့ပြအိမ်ရာများ ဟန်ချက်ညီ စွာဖြင့် စဉ်ဆက်မပြတ် ဖွံ့ဖြိုးတိုးတက်လာစေရန် ၊

၉။ နိုင်ငံသားများအားလုံး လူနေမှုဘဝမြှင့်တင်စေမည့် သင့်လျော်ကောင်းမွန်သောအိမ်ရာများ တွင် နေထိုင်နိုင်စေရန် ၊

လုပ်ငန်းတာဝန်(၆)ရပ်

၁။ အစိုးရပိုင်းနှင့် ပုဂ္ဂလိကပိုင်းဆိုင်ရာ ဆောက်လုပ်ရေးနယ်ပယ်အသီးသီး၏ တည်ဆောက်ရေး ဆိုင်ရာအရည်အသွေးများ ပြည့်မီစေရေးအတွက် တည်ဆောက်ရေးဆိုင်ရာ စံသတ်မှတ်ချက် များထုတ်ပြန်ခြင်း၊ ပြင်ဆင်ခြင်းနှင့် အစိုးရဌာနများ၏ အဆောက်အဦ တည်ဆောက်ရေး လုပ်ငန်းများကို ကြီးကြပ်ဆောင်ရွက်ပေးခြင်း ။

၂။ နိုင်ငံဖြတ်ကျော်လမ်းမကြီးများ၊ အိမ်နီးချင်းနိုင်ငံများနှင့်ဆက်သွယ်သည့် စင်္ကြန်လမ်းမကြီး များ၊ နိုင်ငံတော်၏မဟာဗျူဟာစီမံကိန်းများ၊ ဒေသတွင်းဖွံ့ဖြိုးမှုအစီအစဉ်များနှင့် ဆက်စပ် နေသောလမ်းမကြီးများနှင့် ၎င်းလမ်းမကြီးများပေါ်ရှိ တံတားများအား အဆင့်မြှင့်တင် တည်ဆောက်ခြင်း ။

၃။ နိုင်ငံတော်၏ မူဝါဒများနှင့်အညီ ဖွံ့ဖြိုးမှုအလားအလာကောင်းမွန်ပြီး သင့်လျော်ကောင်းမွန် သောမြေနေရာများတွင် မြို့ပြနှင့်ဒေသစီမံကိန်းများနှင့် အိမ်ရာစီမံကိန်းများ ရေးဆွဲ အကောင်အထည်ဖော်ဆောင်ရွက်ခြင်း၊ ဒေသအဆင့်နှင့် ပုဂ္ဂလိကကဏ္ဍများမှ အဆိုပြု သည့် စီမံကိန်းများအား အကဲဖြတ်ဆောင်ရွက်ပေးခြင်း ။

၄။ သဘာဝဘေးအန္တရာယ်များ ကျရောက်ခြင်းနှင့် ရုတ်တရက် ပျက်စီးခြင်းတို့ ဖြစ်ပေါ်လာပါက ပြည်သူလူထု သွားလာမှုမပြတ်တောက်စေရန်အတွက် ပြန်လည်ထူထောင်ရေးနှင့် ပြန်လည် တည်ဆောက်ရေး လုပ်ငန်းများအား ဆောင်ရွက်ခြင်း ။

၅။ တည်ဆောက်ရေးဆိုင်ရာ နည်းပညာသစ်များကို စနစ်တကျ အသုံးပြုနိုင်ရေးနှင့် တည်ဆောက်ရေးဆိုင်ရာပစ္စည်းများအား အရည်အသွေးမြင့်မားစေရေးအတွက် ဦးစီးဌာန အလိုက် သုတေသနဓါတ်ခွဲခန်းများ ဖွင့်လှစ်ကာ သုတေသနပြု ဆောင်ရွက်ခြင်း ။

၆။ သတင်းအချက်အလက်နည်းပညာ အသုံးချသော စီမံခန့်ခွဲမှုစနစ်များနှင့် e-Government လုပ်ငန်းများ ဖွံ့ဖြိုးတိုးတက်စေရေးအတွက် ဆောင်ရွက်ခြင်း ။

ဆောက်လုပ်ရေးဝန်ကြီးဌာန